((یانسین دیلیم آغزیمدا دئسـم نـازیـوی آز ائـت
ناز ائت منه، ای سئوگیلی جـانـان منـه نـاز ائـت))
اوّل بـاخیشینـدا منـی حئیــران ائلــه دیــن ســن
بیر اینجه گولـوشلـه اوره گیـم قـان ائلــه دیــن سـن
سـونـرا منـی بیـر لطفیلـه خنـدان ائلــه دیــن سـن
کافیـر قیـزی آخیـر منـی صنعـان ائلــه دیــن سـن
((یانسین دیلیم آغزیمدا دئسـم نـازیـوی آز ائـت
ناز ائت منه، ای سئوگیلی جـانـان منـه نـاز ائـت))

خلـق ائیلـه میـش اؤز کئیفـی گلنـده سنـی تـاری
اؤلـدور بـو بـلادن منـی قـورتــار سنــی تــاری
رحـم ائـت منـه، بیگـانییـه نـاز ائیلــه مــه بــاری
آلقیـش ائلـه بیـر عـاشیقینــی محــرم راز ائــت
انصـاف ائلـه اؤز عـاشیقینـی محــرم راز ائــت
((ناز ائت منه، ای سئوگیلی جانـان منـه نـاز ائـت))

 آیینه نـی حئیـرتـده قـویـوب، عکـس جمـالیـن
خورشیدی خجـالتـده قـویـوب عـارض ِ آلیـن
عاشیقلـری حسـرت قـویـوب زولفیلـه خـالیـن
بلکـه اولا قسمــت بیــزه گــولــزارِ وصــالیــن
هردن بو سینیق کـؤنلـومـو بیـر لطفلـه سـاز ائـت
((ناز ائت منه، ای سئوگیلی جانـان منـه نـاز ائـت))

 گـؤردوم، گـؤزه لیـم، اوزگییـه سـن نـاز ائلـه ینـده
آز قالدی کی، روحوم اوچا، جان قالمادی منده
بـو نـاز و نـزا کــت وارایکــن بیــر بئلــه سنــده
درد اهلـی اینـان دوشمـه یـه بیلمــز بــو کمنــده
دائـم بـو گـؤزه ل خلقتــه میــن رازِ نیــاز ائــت
((ناز ائت منه، ای سئوگیلی جانـان منـه نـاز ائـت))

 تبیلیس شهرین ائیله میش هر کیمسه کـی، ایجـاد
جنّت کی، دئییرلر، ائـدیـب ایجـاد اونـو شـدّاد
بـوردان آپـاریـب حـوری و قیلمـان و پــریــزاد
یـارب، بـو پـریچهـره لــری بنــده نــواز ائــت
((ناز ائت منه، ای سئوگیلی جانـان منـه نـاز ائـت))

 دونیا اوزونه یـاخشـی گـؤزه لـر گلیـب هـرچنـد
اولمـاز سنـه بیـر اؤلکـه ده نـه میثـل، نـه مــاننــد
تبریز، باکی، تهران، شکی، شیروان، قوبا، دربند
گنجـه، قــارابــاغ، شهــر بخــارا و سمــرقنــد
ایسترسـن ا گـر، عـزم رهِ مـولـک ِ حجـاز ائـت
((ناز ائت منه، ای سئوگیلی جانـان منـه نـاز ائـت))

 اولمـا گـؤزه لیـم، صـورتینـه بیـر بئلــه مغــرور!
مـن ائتمیشـم عشقیملـه سنـی عـالمــه مشهــور
هیجرینـده منـی ائیلـه مـه غـم چکمگـه مجبـور
درگـاهـه منـی قـول دئیـه، مــاننــد ایــاز ائــت
((ناز ائت منه، ای سئوگیلی جانـان منـه نـاز ائـت))

 واعـظ، ائلـه ظـن ائیلمـه، حقـی دانیـر عـاشیـق
نه کعبه، نه بوتخـانـه، نـه مسجیـد تـانیـر عـاشیـق
لاکن اؤزونو حق سئـوه ن انسـان سـانیـر عـاشیـق
دونیـاده فقـط بیـرجـه محبّـت قـانیـر عـاشیــق!
سن گئت هلـه، اؤلمـوشلـره تکلیـف نمـاز ائـت
((ناز ائت منه، ای سئوگیلی جانـان منـه نـاز ائـت))

 واحـد، دئمـه مــن دائمــی یــم ذؤق و صفــاده
منصـوری(١) ده یـاد ائتمـه لـی ییــک دارهِ فنــاده
بـو مصـرع ِ نـازی او دئمیــش بیــر بئلــه ســاده
یــارب، ســن اونــا رحمتینـــی ائیلـــه زیـــاده
قبر ایچره اونـون روحـونـو لطفـونلـه فـراز ائـت
((ناز ائت منه، ای سئوگیلی جانـان منـه نـاز ائـت))

نظرات شما عزیزان:

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: